ما كنت اضنك يا بعد روحي تخون ** تنسى غرامٍ دام يازين عامين
عطيتك السد الذي كان مخزون ** غرت ليالي ما ضيه يا داعج العين
ماترحم اللي في محبتك مجنون ** يرخص حياته لجل خاطرك يا زين
لاتدّعي بالحب وتقول مفتون ** حنّا بما تخفيه يازين دارين
ممشاى لك عجلٍ وممشاك بالهون ** تزداد بالقسوه وانا ازدادب اللين
تقسى للي من سبايبك محزون ** تقسى حياته والخلايق مريحين
ضاع الوفاء وانا احسب الود مصيون ** حتى سمعت بهرجتك عند الأدنين
بعت الغلى واصبحت يازين مديون ** وارخصت نفسك عند ناسٍ عزيزين
في لحظهٍ ضاع الأمل وسط هالكون ** راح الوفاء ما باقي إلا عناوين
كنت احسب ان الحب يا شوق مضمون ** وسلمت لك نفسي وعندي براهين
لو كان قلبي بأول الوقت مطعون ** تبرى جروح القلب لو تنزف سنين
بنساك يا خاين لو كنت مزيون ** من باعنا بعناه من دون تثمين